"Atletiko Madrid" bosh murabbiyi Diyego Simeone Xulian Alvaresning jamoaga qo‘shilganidan keyin urgan birinchi goli haqida gapirdi. 24 yoshli forvard "matraschilar" safidagi beshinchi uchrashuvida debyut golini kiritdi.
Bu La Liga doirasida "Valensiya"ga qarshi o‘yinda (3:0) yuz berdi. Argentinalik futbolchi 94-daqiqada “ko‘rshapalaklar” darvozasini ishg‘ol qilib, tablodagi yakuniy hisobni o‘rnatdi.
«Alvaresning golini butun jamoa qanday nishonlagani, muxlislar qanchalik xursand bo‘lgani ko‘p narsadan dalolat beradi. Biz uchun uning gol urishi muhim edi, chunki bu unga o‘zini erkinroq his qilish imkonini beradi. Men uning fikrini o‘qiy olmayapman, men hujumchi emas edim, lekin u gollar va bu vaziyatlarning hayajoni uchun yashaydi. U bo‘lishi kerak bo‘lgan joyga keldi va o‘z ishini qildi. Umid qilamizki, u xuddi shu ruhda davom etadi”, - dedi Simeone o‘yindan keyingi intervyusida.
