"Manchester Yunayted" ustozi Erik Ten Xagning aytishicha, vinger Antoni asosiy tarkibda o‘ynash huquqini qo‘lga kiritishi kerak.
Antoni "MYU" tarixidagi ikkinchi eng qimmat transfer bo‘lib qolmoqda, u ikki yil avval "Ayaks"dan 86 million funtga sotib olingan edi.
Biroq, Antoni joriy mavsumda atigi bir daqiqa o‘ynadi va "Manchester Yunayted"ning Premyer-ligada "Brayton"ga (2:1) qarshi o‘yinining eng oxirida zaxiradan maydonga tushdi.
Seshanba oqshomida "MYU" Liga Kubogining 3-raundida Chempionship vakili "Barnsli"ga qarshi o‘yin o‘tkazadi, ammo Ten Xag 24 yoshli braziliyalik futbolchining o‘ynashi yoki o‘ynamasligi haqida hech narsa bilmasligini aytdi.
"Antoni o‘ynaydimi? Ertaga ko‘rasizlar, boshlang‘ich tarkibimiz qanday bo‘ladi.
Biz har kuni mashg‘ulot o‘tkazamiz va futbolchilar bu huquqni qo‘lga kiritishlari kerak. Qachonki ular mashg‘ulotlarda yaxshi kayfiyat ko‘rsatib, o‘ynashsa, keyin o‘ynashadi", - dedi Ten Xag Daily Mirror bilan suhbatda.
