«Inter Mayami» hujumchisi Lionel Messi safga qaytganidan so‘ng ajoyib o‘yin ko‘rsatdi.
Yakshanba kuni argentinalik futbolchi ikki oy ichida ilk o‘yinini o‘tkazib, «Filadelfiya Yunion» ustidan 3:1 hisobidagi g‘alabada dubl va golli uzatmani amalga oshirdi. 37 yoshli superyulduzning muvaffaqiyatlari e’tibordan chetda qolmadi: Messi tur natijalariga ko‘ra MLS hafta jamoasiga kiritildi. Shuningdek, ramziy jamoada gol va golli uzatmani amalga oshirgan Luis Suares ham bor edi.
Eslatib o‘tamiz, Lionel Messi iyul oyida Amerika Kubogi finalidan buyon jarohati sabab maydonga tushmadi.
