«Интер Майами» ҳужумчиси Лионель Месси сафга қайтганидан сўнг ажойиб ўйин кўрсатди.
Якшанба куни аргентиналик футболчи икки ой ичида илк ўйинини ўтказиб, «Филадельфия Юнион» устидан 3:1 ҳисобидаги ғалабада дубль ва голли узатмани амалга оширди. 37 ёшли суперюлдузнинг муваффақиятлари эътибордан четда қолмади: Месси тур натижаларига кўра МЛС ҳафта жамоасига киритилди. Шунингдек, рамзий жамоада гол ва голли узатмани амалга оширган Луис Суарес ҳам бор эди.
Эслатиб ўтамиз, Лионель Месси июль ойида Америка Кубоги финалидан буён жароҳати сабаб майдонга тушмади.
