Superligada 18-tur yakunlandi. OKMK klubi bu tur o‘z maydonida "Surxon"ni qabul qildi va 1:0 hisobida g‘alaba qozondi. Bellashuvdan so‘ng jamoa bosh murabbiyi Mirjalol Qosimov matbuot anjumanida ishtirok etdi.

— Haqiqatdan ham juda og‘ir o‘yin bo‘ldi. Bunga tayyor edik. Taqvimdagi pauza sababli bahs oson bo‘lmasligini bilgan edik. "Surxon" istalgan jamoa uchun boshog‘riq bo‘ladi. Birinchi bo‘limdagi chetlatishdan so‘ng, yigitlar juda yomon o‘yin ko‘rsatdi. Hozir gol uramiz deb shoshilmay, sekin harakat qilishdi. Xatolar qildik. Bu o‘yinimiz sifatini tushirib yubordi. Ikkinchi taymda tezlikni oshirdik va bu natija berdi. "Surxon"ga omad tilayman.

— «Nasaf»ga qarshi o‘yinga alohida reja bormi?

— Albatta, bu juda muhim o‘yin. Ular bejizga birinchi o‘rinda ketmayapti. Bu 6 ochkolik o‘yin. Biz uchun oxirgi imkoniyat. Yaxshi ishtirok etsak, imkon paydo bo‘ladi.