Shuningdek, «Al Vasl» bosh murabbiyi Milosh Miloyevich ham «Paxtakor»ga qarshi bahs oldidan matbuot anjumanida ishtirok etib quyidagicha fikr bildirdi:
- Ertaga bizni qiyin o‘yin kutmoqda. «Paxtakor» juda ham intizomli jamoa. Raqibga hurmat saqlagan holda o‘zimizning eng yaxshi o‘yinimizni ko‘rsatishga harakat qilamiz. Jarohat olganlar? 3 nafar futbolchilarimizdan foydalana olmaymiz. Ularning o‘rnini boshqa o‘yinchilar bilan to‘ldiramiz. Jamoaning jismoniy holati? Tig‘iz taqvimda o‘ynashga to‘g‘ri kelyapti. Bunga moslashishga harakat qilish kerak. Ba’zida futbolchilarga tez-tez o‘ynash yoqadi.
«Paxtakor»dan kuchlimizmi? Hozirgi kunda ko‘pchilik jamoalar darajasini futbolchilarning transfer bahosi va qayerdan ekanligiga qarab baholaydi. Lekin barchasi maydonda hal bo‘ladi. «Paxtakor» doim o‘z uyida raqiblarga munosib qarshilik ko‘rsata oladi.
«Paxtakor»ning yosh o‘yinchilari yaxshi o‘yin ko‘rsatishmoqda. Masalan, Usmonovning o‘yini yaxshi ekan. To‘g‘ri, ular ko‘p gol urishmayapti. Ammo o‘z darvozasidan kam to‘p olib chiqyapti...
Eslatib o‘tamiz, «Paxtakor» — «Al Vasl» o‘yini 17 sentyabr kuni «Jar» stadionida soat 19:00da o‘tkaziladi.
