"Real Madrid" markaziy himoyachisi Antonio Ryudiger jamoadoshi Endrikning o‘yini haqida gapirdi. 18 yoshli hujumchi kecha Chempionlar ligasi doirasida "Shtutgart"ga qarshi o‘yinda zaxiradan maydonga tushdi va gol urdi. Qirollik klubi 3:1 hisobida g‘alaba qozondi.
"Agar siz gol ursangiz, bu yaxshi, agar gol urmasangiz, demak, sizda muammolar bor. Hozirgi holat Endrikning o‘z yoshiga ko‘ra katta fe’l-atvorga ega ekanligini ko‘rsatmoqda, u juda qattiq mehnat qilmoqda, o‘ziga ishonchi ortib, o‘yinga ko‘nikmoqda. Ha, biz undan ko‘proq gol kutyapmiz", - deya Ryudiger so‘zlarini keltirmoqda Goal.
Eslatib o‘tamiz, Ryudigerning o‘zi ham kecha faoliyatining boshida o‘ynagan “Shtutgart” darvozasiga gol urgan edi.
