Antonio Ryudiger "Real Madrid"ning Chempionlar ligasidagi birinchi o‘yindagi g‘alabasi haqida fikr bildirdi.
Kecha Madrid klubi "Shtutgart"dan ustun keldi (3:1). Ryudiger 83-daqiqada Luka Modrichning burchakdan oshirib bergan to‘pini boshi bilan "Real"ga g‘alaba keltirgan golga mualliflik qildi.
Shuningdek, 1-bo‘lim epizodlaridan birida hakam Xalil Mehler Maksimilian Mittelshtedt bilan kurashda "Real" himoyachisi jarima maydonchasi ichida yiqilib tushganidan so‘ng penalti belgiladi, ammo keyin vaziyatni takroran ko‘rib, qarorni bekor qildi.
"Birinchi bo‘limdagi o‘yin "Real"ga noloyiq bo‘ldi, ammo biz vaziyatni yaxshilay oldik va o‘zgartira oldik. Shunga qaramay, g‘alabadan xursandmiz. Himoyadagi muammolarga (jarohatlar tufayli) kelsak, bu savolni boshqa odamlarga berish kerak. Sog‘ligim bor ekan, har bir o‘yinda maydonga tushmoqchiman.
Oldinda juda ko‘p o‘yinlar borligini hammamiz bilamiz, lekin men bir oyoqda ham o‘ynashga tayyorman. Boshqa jamoalarda ham xuddi shunday muammolar bor. "Real"da o‘ynashga doim tayyorman.
- Mittelshtedt bilan bo‘lgan epizodda penalti bo‘lganmidi?
- Yo‘q. U menga ozgina tegdi, lekin bu penalti belgilash uchun etarli emas edi" - dedi "Real Madrid" himoyachisi.
