Антонио Рюдигер "Реал Мадрид"нинг Чемпионлар лигасидаги биринчи ўйиндаги ғалабаси ҳақида фикр билдирди.

Кеча Мадрид клуби "Штутгарт"дан устун келди (3:1). Рюдигер 83-дақиқада Лука Модричнинг бурчакдан ошириб берган тўпини боши билан "Реал"га ғалаба келтирган голга муаллифлик қилди.

Шунингдек, 1-бўлим эпизодларидан бирида ҳакам Халил Меҳлер Максимилиан Миттельштедт билан курашда "Реал" ҳимоячиси жарима майдончаси ичида йиқилиб тушганидан сўнг пенальти белгилади, аммо кейин вазиятни такроран кўриб, қарорни бекор қилди.

"Биринчи бўлимдаги ўйин "Реал"га нолойиқ бўлди, аммо биз вазиятни яхшилай олдик ва ўзгартира олдик. Шунга қарамай, ғалабадан хурсандмиз. Ҳимоядаги муаммоларга (жароҳатлар туфайли) келсак, бу саволни бошқа одамларга бериш керак. Соғлигим бор экан, ҳар бир ўйинда майдонга тушмоқчиман.

Олдинда жуда кўп ўйинлар борлигини ҳаммамиз биламиз, лекин мен бир оёқда ҳам ўйнашга тайёрман. Бошқа жамоаларда ҳам худди шундай муаммолар бор. "Реал"да ўйнашга доим тайёрман.

- Миттельштедт билан бўлган эпизодда пенальти бўлганмиди?

- Йўқ. У менга озгина тегди, лекин бу пенальти белгилаш учун этарли эмас эди" - деди "Реал Мадрид" ҳимоячиси.