Ukrainaning «Shaxtyor» klubi yarim himoyachi Georgiy Sudakovning transferi uchun «Napoli»dan 55-60 million yevro so‘ramoqda, bu haqda jurnalist Ekrem Ko‘nur X (sobiq Twitter) ijtimoiy tarmog‘ida ma’lum qildi.

Manbaga ko‘ra, «Napoli» futbolchini 40 million yevroga sotib olish bo‘yicha birinchi taklif bilan chiqqan, biroq ukrain klubi bu summani juda kam deb hisoblab, uni rad etgan.

Qayd etilishicha, Sudakovning «Shaxtyor» safida Chempionlar ligasidagi o‘yinlari klubga katta daromad olish imkonini beradi.