Yevropa futbolida Chempionlar ligasining guruh bosqichi o‘yinlari bo‘lib o‘tmoqda.
Milanning "Inter" klubi "Manchester Siti"ga tashrif buyurdi va u yerda bir ochko jamg‘arishga muvaffaq bo‘ldi.
“Inter”ning turkiyalik yarim himoyachisi Xoqon Chalxano‘g‘li so‘nggi o‘yindagi voqealarga izoh berib, qo‘lga kiritgan ochkosidan mamnunligini bildirdi.
"Hammamiz xursandmiz, juda kuchli raqibga qarshi o‘ynadik.
Bizda gol urish uchun ham imkoniyatlar bo‘ldi. “Manchester Siti”dek kuchli raqibga qarshi oxirigacha turib bera olishimizni isbotladik.
Qo‘lga kiritgan ochkomizdan mamnun bo‘lishimiz mumkin", — deya Hoqon Chalxano‘g‘lining so‘zlarini keltiradi fcinter1908.it.
