Европа футболида Чемпионлар лигасининг гуруҳ босқичи ўйинлари бўлиб ўтмоқда.
Миланнинг "Интер" клуби "Манчестер Сити"га ташриф буюрди ва у ерда бир очко жамғаришга муваффақ бўлди.
“Интер”нинг туркиялик ярим ҳимоячиси Хоқон Чалханўғли сўнгги ўйиндаги воқеаларга изоҳ бериб, қўлга киритган очкосидан мамнунлигини билдирди.
"Ҳаммамиз хурсандмиз, жуда кучли рақибга қарши ўйнадик.
Бизда гол уриш учун ҳам имкониятлар бўлди. “Манчестер Сити”дек кучли рақибга қарши охиригача туриб бера олишимизни исботладик.
Қўлга киритган очкомиздан мамнун бўлишимиз мумкин", — дея Ҳоқон Чалханўғлининг сўзларини келтиради fcinter1908.it.
