"Atalanta" bosh murabbiyi Jan Pyero Gasperini jamoasining Chempionlar ligasi doirasida Londonning "Arsenal" jamoasiga qarshi o‘yinidagi (0:0) harakatlaridan mamnun.
“Albatta, afsuslanishlar ham bor. Penalti har doim gol urish uchun ajoyib imkoniyatdir. O‘sha paytda hisobda oldinga chiqib olish juda muhim edi. Biroq, biz o‘yindan mamnunmiz. Raqib darajasiga mos harakatlandik.
Men "Arsenal"ga qoyil qolaman. Bugun raqibimiz hujumda muvaffaqiyat qozona olmadi, ammo himoyada ishonchlilik ko‘rsatdi. Bu o‘yin bizni yanada kuchliroq qiladi – biz ko‘p narsani o‘rgandik”, dedi Gasperini Sky Sport nashriga bergan intervyusida.
