"Reyms" joriy mavsum boshidagi "PSJ"ning g‘alabali seriyasini to‘xtatdi.
Liga1'ning 5-turi doirasida bo‘lib o‘tgan uchrashuv durang bilan yakunlandi – 1:1. Mezbonlar 9-daqiqada Keyto Nakamuraning sa’y-harakatlari bilan oldinga chiqib olishdi, bunga parijliklar ikkinchi bo‘limda javob qaytarishdi - Usmon Dembele gol urdi.
Luis Enrike jamoasi mavsum boshidan beri ilk bor rasmiy o‘yinda g‘alaba qozona olmadi. Poytaxt grandlari shanba kungi o‘yinga ketma-ket beshta g‘alabali o‘yinlar seriyasi bilan yaqinlashgandi.
Fransiyaning amaldagi chempioni o‘zining oldingi o‘yinida Chempionlar ligasida "Jirona"ni mag‘lub etgandi (1:0).
