"Manchester Yunayted" darvozaboni Andre Onana "Kristal Pelas"ga (0:0) qarshi o‘yindan so‘ng intervyu berdi.
Erik ten Xag shogirdlari qatorasiga uchinchi o‘yinda darvozalari daxlsiz saqlab qolishdi, ammo bu safar g‘alaba qozona olishmadi.
Uchrashuv qahramonlaridan biri ikkinchi bo‘limda ajoyib seyv amalga oshirgan Onana bo‘ldi.
"O‘z darvozam daxlsizligini saqlab qolish har doim yoqimli, ammo «Manchester Yunayted»da eng muhimi g‘alaba qozonishdir.
Bugun g‘alaba qozonish niyatida kelgan bo‘lsak-da, g‘alaba qozona olmadik. Bizning hafsalamiz pir bo‘ldi.
To‘g‘risini aytsam, gol uramiz deb o‘ylagandim, lekin futbolda ba’zida hamma narsani nazorat qilib bo‘lmaydi.
Imkoniyatlarimiz ko‘proq edi, men yigitlarga ishondim. Umid qilamanki, jamoamiz keyingi o‘yinda ko‘p gol uradi", — dedi Onana.
