"Манчестер Юнайтед" дарвозабони Андре Онана "Кристал Пэлас"га (0:0) қарши ўйиндан сўнг интервью берди.
Эрик тен Хаг шогирдлари қаторасига учинчи ўйинда дарвозалари дахлсиз сақлаб қолишди, аммо бу сафар ғалаба қозона олишмади.
Учрашув қаҳрамонларидан бири иккинчи бўлимда ажойиб сейв амалга оширган Онана бўлди.
"Ўз дарвозам дахлсизлигини сақлаб қолиш ҳар доим ёқимли, аммо «Манчестер Юнайтед»да энг муҳими ғалаба қозонишдир.
Бугун ғалаба қозониш ниятида келган бўлсак-да, ғалаба қозона олмадик. Бизнинг ҳафсаламиз пир бўлди.
Тўғрисини айтсам, гол урамиз деб ўйлагандим, лекин футболда баъзида ҳамма нарсани назорат қилиб бўлмайди.
Имкониятларимиз кўпроқ эди, мен йигитларга ишондим. Умид қиламанки, жамоамиз кейинги ўйинда кўп гол уради", — деди Онана.
