"Barselona" markaziy hujumchi Robert Levandovskiga o‘rinbosar qidirmoqda, deb xabar beradi Sport.es jurnalistlari.

Manbaga ko‘ra, "ko‘k-anorranglilar" 3 nafar hujumchiga qiziqish bildirmoqda. Kataloniyaliklar Erling Xoland ("Manchester Siti"), Viktor Dyokeresh ("Sporting") va Benjamin Sheshko ("RB Leypsig") o‘rtasida tanlov qilishmoqda. "Blaugrana" o‘zlarini ko‘p yillar davomida hujumda oldingi o‘rinni to‘ldiradigan forvard bilan kuchaytirmoqchi.

Ispaniya chempionatining joriy mavsumida Levandovski beshta o‘yinda maydonga tushib, to‘rtta gol urdi va ikkita golli uzatmani amalga oshirdi.