"Milan" bosh murabbiyi Paulu Fonseka uning iste’foga chiqarilishi haqidagi mish-mishlardan unchalik xavotirda emasligini aytdi.
Yakshanba kuni "Milan" derbida "Inter"ni mag‘lub etdi (2:1), bu esa, ko‘pchilikning fikriga ko‘ra, portugaliyalik murabbiyni ishini yo‘qotishdan saqlab qoldi.
"Men uchun buning ahamiyati yo‘q, chunki men bunday xabarlarni o‘qimayman yoki tinglamayman.
Bu g‘alaba o‘zimizga bo‘lgan ishonchni qozonishimizga yordam beradi, lekin men uchun eng muhimi, futbolchilar bizning g‘oyalarimizga ishonishda davom etishini ko‘rish", dedi joriy mavsum boshlanishidan oldin Stefano Pioli o‘rniga kelgan Fonseka o‘yindan keyingi intervyusida.
