"Милан" бош мураббийи Паулу Фонсека унинг истеъфога чиқарилиши ҳақидаги миш-мишлардан унчалик хавотирда эмаслигини айтди.
Якшанба куни "Милан" дербида "Интер"ни мағлуб этди (2:1), бу эса, кўпчиликнинг фикрига кўра, португалиялик мураббийни ишини йўқотишдан сақлаб қолди.
"Мен учун бунинг аҳамияти йўқ, чунки мен бундай хабарларни ўқимайман ёки тингламайман.
Бу ғалаба ўзимизга бўлган ишончни қозонишимизга ёрдам беради, лекин мен учун энг муҳими, футболчилар бизнинг ғояларимизга ишонишда давом этишини кўриш", деди жорий мавсум бошланишидан олдин Стефано Пиоли ўрнига келган Фонсека ўйиндан кейинги интервьюсида.
