"Inter" himoyachisi Matteo Darmian "Milan" bilan derbidagi mag‘lubiyat (1:2) haqidagi savolga javob berdi.
Simone Indzagi shogirdlari asosiy raqibi bilan o‘yinga yaqqol favorit sifatida kelishgandi, biroq durangga ham erisha olishmadi.
“Rossonerilar” 89-daqiqada Matteo Gabbiyaning goli evaziga uch ochkoni qo‘lga kiritdi.
"Biz kiyinish xonasida ko‘p gaplashmadik - hamma o‘yin qanchalik muhimligini tushundi. Bizda yetuk va tajribali jamoa bor va biz nima noto‘g‘ri bo‘lganini tushuna olamiz.
Muammolarni hal qilishning yagona yo‘li - bu ishlash. "Milan" o‘zi xohlagandek o‘ynadi, ammo biz buni qilmadik.
Biz yetarlicha mobil emas edik.
Biz oldinga siljishimiz va ishlashda davom etishimiz kerak", - deya Darmianning so‘zlarini keltiradi jurnalist Daniele Mari.
