"Интер" ҳимоячиси Маттео Дармиан "Милан" билан дербидаги мағлубият (1:2) ҳақидаги саволга жавоб берди.
Симоне Индзаги шогирдлари асосий рақиби билан ўйинга яққол фаворит сифатида келишганди, бироқ дурангга ҳам эриша олишмади.
“Россонерилар” 89-дақиқада Маттео Габбиянинг голи эвазига уч очкони қўлга киритди.
"Биз кийиниш хонасида кўп гаплашмадик - ҳамма ўйин қанчалик муҳимлигини тушунди. Бизда етук ва тажрибали жамоа бор ва биз нима нотўғри бўлганини тушуна оламиз.
Муаммоларни ҳал қилишнинг ягона йўли - бу ишлаш. "Милан" ўзи хоҳлагандек ўйнади, аммо биз буни қилмадик.
Биз етарлича мобил эмас эдик.
Биз олдинга силжишимиз ва ишлашда давом этишимиз керак", - дея Дармианнинг сўзларини келтиради журналист Даниэле Мари.
