Kataloniyaning «Barselona» klubi «Yuventus» va Polsha terma jamoasining sobiq darvozaboni Voysex Shesniga qiziqish bildirmoqda.

Jurnalist Tomash Vlodarchik xabariga ko‘ra, «Barselona» vakillari o‘tgan avgust oyi oxirida futbolchilik faoliyatini yakunlagan 34 yoshli darvozabon bilan allaqachon bog‘lanishgan. Manbaning xabariga ko‘ra, «Barselona» Shesnini tezroq o‘z safiga qo‘shib olmoqchi.

Oldinroq OAVda «Barselona» jarohat olgan Mark-Andre ter Shtegen o‘rniga yangi darvozabonni qo‘lga kiritish uchun bor kuch-g‘ayratini ishga solishi haqida xabarlar tarqalgandi.