Yarim himoyachi Miralyem Pyanich tez orada SSKAning yangi futbolchisiga aylanadi. Bu haqda jurnalist Ivan Karpov o‘zining Telegram-kanalida xabar bermoqda.
Manbaga ko‘ra, 34 yoshli Pyanichning SSKAdagi maoshi bonuslarni hisobga olmaganda mavsumiga bir million yevroni tashkil qiladi.
Qayd etilishicha, klub futbolchini taklif qilish tashabbusi bilan chiqqan, bosh murabbiy Marko Nikolich bu g‘oyani qo‘llab-quvvatlagan.
Pyanichning SSKA jamoasi bilan shartnomasi bir yilga mo‘ljallangan.
Eslatib o‘tamiz, Pyanich avvalroq Turinning "Yuventus" klubida o‘ynagan.
