"Komo"da to‘p surayotgan fransiyalik himoyachi Rafael Varan kelajagi borasida bir qarorga keldi. 31 yoshli futbolchi jiddiy jarohatdan so‘ng faoliyatini yakunlashga qaror qildi. Bu haqda jurnalist Matteo Moretto xabar bermoqda.
Varan Italiya jamoasiga erkin agent sifatida qo‘shildi, biroq birinchi o‘yindayoq jarohat oldi, shu sababli u mavsumning qolgan qismida maydonga tusha olmaydi.
"Komo"ga ko‘chib o‘tishdan oldin Rafael "Real Madrid" va Angliya "Manchester Yunayted"idagi o‘yinlari bilan muxlislar mehrini qozongan.
