Hujumchi Erling Xoland hozirda bor e’tiborini 2024/2025 yilgi mavsumga qaratgan. Biroq Pep Gvardiolaning "Manchester Siti"dan ketishi ehtimoli norvegiyalik hujumchini kelasi yozda o‘z kelajagini ko‘rib chiqishga majbur qilmoqda. El National xabariga ko‘ra, Xoland o‘z vakillariga takliflarni o‘rganishni aytgan.
Manbaga ko‘ra, Xolandning "Real"ga o‘tishi deyarli ilojsiz, chunki madridliklar hujumda allaqachon ko‘plab yulduzlarga ega. Shu bilan birga, norvegiyalikni "Barselona"ga o‘tish imkoniyati qiziqtiradi, u yerda forvard Robert Levandovskining o‘rnini bosishi va loyihaning markaziy figurasiga aylanishi mumkin.
Xoland uchun "Barselona" kurashga kirishi aniq emas. Bu holatda Kataloniya klubining moliyaviy muammolari to‘siq bo‘lib qolishi mumkin.
