Ҳужумчи Эрлинг Холанд ҳозирда бор эътиборини 2024/2025 йилги мавсумга қаратган. Бироқ Пеп Гвардиоланинг "Манчестер Сити"дан кетиши эҳтимоли норвегиялик ҳужумчини келаси ёзда ўз келажагини кўриб чиқишга мажбур қилмоқда. El National хабарига кўра, Холанд ўз вакилларига таклифларни ўрганишни айтган.
Манбага кўра, Холанднинг "Реал"га ўтиши деярли иложсиз, чунки мадридликлар ҳужумда аллақачон кўплаб юлдузларга эга. Шу билан бирга, норвегияликни "Барселона"га ўтиш имконияти қизиқтиради, у ерда форвард Роберт Левандовскининг ўрнини босиши ва лойиҳанинг марказий фигурасига айланиши мумкин.
Холанд учун "Барселона" курашга кириши аниқ эмас. Бу ҳолатда Каталония клубининг молиявий муаммолари тўсиқ бўлиб қолиши мумкин.
