Superligada 20-tur start oldi. "Neftchi" klubi bu tur safarda "Andijon" bilan bahs olib bordi va 0:0 hisobida durang o‘ynadi. Bellashuvdan so‘ng jamoa bosh murabbiyi Vitaliy Levchenko matbuot anjumanida ishtirok etdi.

Menimcha, derbi ajoyib tarzda bo‘lib o‘tdi, ammo gol ko‘rmadik. Bugun maydon chiroyli futbol o‘ynashga imkon bermadi. Shu bois, kurashlar va uzun paslar ko‘payib ketdi. Natija adolatli.

Hisobdan qoniqdingizmi?

Albatta yo‘q. Barchamiz sportchimiz va g‘alaba qozonishni istaymiz. Hech kim durang uchun maydonga chiqmaydi.

Akbar To‘rayevning jarohati borasida yangilik bormi?

Shifokordan so‘rash kerak. O‘tgan bahsda og‘riq sababli uni zaxiraga olgan edik.

Azizbek Amonovning harakatlari haqida fikringiz qanday?

Birinchi taymda ular bizga yordam berayotgan edi, ammo ikkinchi bo‘limda biroz jismoniy toliqish sezildi. Futbolchi terma jamoaga borib, o‘yin amaliyotisiz qolmoqda. O‘yin tonusi yo‘qoladi. Buni o‘rniga qo‘yish uchun vaqt kerak.

Rejangizda o‘rtoqlik uchrashuvlarini o‘tkazish rejasi bormi?

Albatta, muzokaralar o‘tkazilmoqda. 25 kunlik pauzani o‘rnini to‘ldirishimiz kerak.

Bilolxon Toshmirzayev haqida fikringiz?

U juda tezkor va kreativ futbolchi, biroq maydonning holati uni zarariga ishladi. Uning yo‘qligi darrov seziladi. Birdaniga 3 ta pozisiyani berkitishga qodir ijrochini yo‘qligi seziladi.

Final haqida fikringiz?

Agar ijrochilar mahoratidan kelib chiqsak, Navbahorda kichik ustunlik bor. Shunga qaramay, final bir o‘yindan iborat bo‘ladi. Bu yerda futbolchilardagi ishtiyoq va motivasiya ko‘p narsa hal qiladi. Andijon futbolchilari shu aspektlarda faol bo‘lsa, raqib tarkibidagi ijrochilarga bas kelishi mumkin. Juda qiziq o‘yin kutmoqda. Birinchi navbatda xarakter yuzaga chiqadi. U esa, Andijonda bor. Kuchlisi g‘alaba qozonsin.