"Bavariya" hujumchisi Tomas Myuller jamoadoshi Xarri Keynning o‘yini haqida gapirdi. Angliyalik futbolchi Myunxen klubida ikkinchi mavsumini o‘tkazmoqda. U "Bavariya" safida 51 ta o‘yinda 54 ta gol va 17 ta golli uzatmani amalga oshirgan.

"O‘yin ko‘rsatkichi bo‘yicha Keynga tenglasha oladiganlar ko‘p emas. Bu tasodif emas bu uning to‘g‘ri pozisiyalarni egallash va hujumlarni yakunlash qobiliyati haqida. Xarri ajoyib yakunlovchi. U ikkala oyog‘i bilan tepishi mumkin va juda kuchli zarbaga ega.

Keyn nafaqat texnik, balki taktik nuqtai nazardan ham ajoyib futbolchidir. Bularning barchasini inobatga olsak, uning yutuqlari menga hayratlanarlidek tuyulmayapti, lekin shu bilan birga u buni qanday qilib qayta-qayta amalga oshirayotganini ko‘rish yoqimlidir", - deydi Myuller.