"Бавария" ҳужумчиси Томас Мюллер жамоадоши Харри Кейннинг ўйини ҳақида гапирди. Англиялик футболчи Мюнхен клубида иккинчи мавсумини ўтказмоқда. У "Бавария" сафида 51 та ўйинда 54 та гол ва 17 та голли узатмани амалга оширган.

"Ўйин кўрсаткичи бўйича Кейнга тенглаша оладиганлар кўп эмас. Бу тасодиф эмас бу унинг тўғри позицияларни эгаллаш ва ҳужумларни якунлаш қобилияти ҳақида. Харри ажойиб якунловчи. У иккала оёғи билан тепиши мумкин ва жуда кучли зарбага эга.

Кейн нафақат техник, балки тактик нуқтаи назардан ҳам ажойиб футболчидир. Буларнинг барчасини инобатга олсак, унинг ютуқлари менга ҳайратланарлидек туюлмаяпти, лекин шу билан бирга у буни қандай қилиб қайта-қайта амалга ошираётганини кўриш ёқимлидир", - дейди Мюллер.