"Yuventus" hujumchisi Dushan Vlaxovich gollar soni bo‘yicha aniq maqsad bilan cheklanmaslikni ma’qul ko‘rmoqda.
24 yoshli futbolchi o‘tgan mavsumni "byankonerilar" safida A Seriyaning 33 ta o‘yinida 16 ta gol bilan yakunlagan. Joriy mavsumda serbiyalik hujumchi Italiya chempionatida beshta o‘yinda ikkita gol urgan.
"Gollar bo‘yicha maqsad? Men chegara qo‘ymayman, men doimo plankani ko‘tarib boraman. Men hech qachon o‘zimdan to‘liq qoniqmaganman - mavsum davomida "Fiorentina"dan "Yuventus"ga o‘tganimda ham 24 ta gol urganimda ham. Har doim yaxshilanish uchun imkon bor", dedi Vlaxovich DAZN nashriga.
