"Ювентус" ҳужумчиси Душан Влахович голлар сони бўйича аниқ мақсад билан чекланмасликни маъқул кўрмоқда.
24 ёшли футболчи ўтган мавсумни "бьянконерилар" сафида А Сериянинг 33 та ўйинида 16 та гол билан якунлаган. Жорий мавсумда сербиялик ҳужумчи Италия чемпионатида бешта ўйинда иккита гол урган.
"Голлар бўйича мақсад? Мен чегара қўймайман, мен доимо планкани кўтариб бораман. Мен ҳеч қачон ўзимдан тўлиқ қониқмаганман - мавсум давомида "Фиорентина"дан "Ювентус"га ўтганимда ҳам 24 та гол урганимда ҳам. Ҳар доим яхшиланиш учун имкон бор", деди Влахович DAZN нашрига.
