Har kuni taqvimdan norozi bo‘lganlar ko‘payib bormoqda. Matbuot anjumanida “Lill” ustozi Bruno Jenezio tig‘iz taqvimni tanqid qildi.

Xalqaro tanaffusdan so‘ng “qizil-ko‘klar” safarda “Monako”, “Atletiko” va “Lans”ga qarshi bahs olib boradi. Uchrashuvlar 18-26 oktyabr kunlari bo‘lib o‘tadi. "Lans" bilan derbi bo‘lishi sababli, Jenezio uning jamoasi Chempionlar ligasida ikkinchi tarkib bilan o‘ynashi mumkinligini aytdi.

"Hayratlanarli, yumshoq qilib aytganda... Bu so‘zni aytishni ham istamayman, chunki men xushmuomala bo‘lishni xohlayman. Nega "Lans" bilan o‘yinni 27-kunga belgilab bo‘lmaganini tushunmayapman. Balki o‘zimizni derbiga asrash uchun zaxira jamoa bilan Madridga borarmiz. Keyin esa bizni Chempionlar ligasiga hamma narsani bermaganimiz uchun tanqid qilishadi", - deydi murabbiy.