"Barselona" bosh murabbiyi Xans-Diter Flik Mark-Andre ter Shtegen jarohatidan so‘ng kim birinchi raqamli darvozabon bo‘lishini aniqladi.
Xabaringiz bor, "blaugrana" bir oy oldin faoliyatini yakunlagan Voysex Shesni bilan shartnoma imzolamoqchi. Ammo Diario Sport nashrining yangilangan xabariga ko‘ra, Flik joriy mavsumning qolgan qismida jamoaning asosiy darvozaboni Inyaki Penya bo‘lishiga qaror qilgan. Nemis mutaxassisi allaqachon futbolchilarga o‘z tanlovi haqida xabar bergan.
Ishonchli ma’lumotlarga ko‘ra, Shesni "Barselona" taklif qilgan shartlarga rozi bo‘lgan va Kataloniya grandining zaxira darvozaboni bo‘lishga tayyor. 34 yoshli polyak tez orada transferni yakunlash uchun tibbiy ko‘rikdan o‘tadi.
