"Барселона" бош мураббийи Ханс-Дитер Флик Марк-Андре тер Штеген жароҳатидан сўнг ким биринчи рақамли дарвозабон бўлишини аниқлади.
Хабарингиз бор, "блауграна" бир ой олдин фаолиятини якунлаган Войцех Шесни билан шартнома имзоламоқчи. Аммо Diario Sport нашрининг янгиланган хабарига кўра, Флик жорий мавсумнинг қолган қисмида жамоанинг асосий дарвозабони Иньяки Пенья бўлишига қарор қилган. Немис мутахассиси аллақачон футболчиларга ўз танлови ҳақида хабар берган.
Ишончли маълумотларга кўра, Шесни "Барселона" таклиф қилган шартларга рози бўлган ва Каталония грандининг захира дарвозабони бўлишга тайёр. 34 ёшли польяк тез орада трансферни якунлаш учун тиббий кўрикдан ўтади.
