O‘tgan yilning oktyabr oyida hujumchi Neymar Braziliya terma jamoasi uchun o‘yinda jiddiy jarohat olgan edi. So‘nggi haftalarda forvard sport zalidan suratlarni faol ravishda o‘z sahifasida chop etmoqda. Bugundan Neymar jamoa bilan maydonda mashg‘ulotlarga qaytdi. Yulduz futbolchi bu haqda ijtimoiy tarmoqlarda xabar tarqatdi.

"Guruh mashg‘ulotlariga qaytganimdan xursandman. Endi bu sof quvonch", - deb yozdi Neymar mashg‘ulotdan olingan suratlar ostida.

Eslatib o‘tamiz, Neymar jarohat olishdan oldin "Al-Hilol" safida bor-yo‘g‘i beshta o‘yin o‘tkaza oldi.