«Napoli» Xvicha Kvarasxeliya bilan shartnomani uzaytirish ustida ishlamoqda.
Janluka Di Marsio xabariga ko‘ra, neapolliklar klubi bugun vingerning agentlari bilan bog‘lanib, yangi shartnoma imzolash imkoniyatlarini muhokama qilgan. Tomonlar bir necha haftadan keyin yana uchrashadilar.
«Napoli» iyul oyida yangi shartnoma taklif qilgandi. Agar u qabul qilinsa, gruziyalik futbolchi Romelu Lukaku kabi bonuslar bilan birga yiliga 6 million yevro ishlab olishi mumkin bo‘ladi.
Tomonlar o‘rtasidagi so‘nggi uchrashuv milliy terma jamoalar o‘yinlari uchun oktyabr oyidagi tanaffusdan so‘ng bo‘lib o‘tadi.
