«Наполи» Хвича Кварацхелия билан шартномани узайтириш устида ишламоқда.
Жанлука Ди Марцио хабарига кўра, неаполликлар клуби бугун вингернинг агентлари билан боғланиб, янги шартнома имзолаш имкониятларини муҳокама қилган. Томонлар бир неча ҳафтадан кейин яна учрашадилар.
«Наполи» июль ойида янги шартнома таклиф қилганди. Агар у қабул қилинса, грузиялик футболчи Ромелу Лукаку каби бонуслар билан бирга йилига 6 миллион евро ишлаб олиши мумкин бўлади.
Томонлар ўртасидаги сўнгги учрашув миллий терма жамоалар ўйинлари учун октябрь ойидаги танаффусдан сўнг бўлиб ўтади.
