"Barselona"ning o‘tgan mavsum yakunidagi yo‘qotishlari 91 million yevroni tashkil qildi.

Ta’kidlanganidek, klub homiylik shartnomalaridan rekord daromad oldi - 210 million yevrodan ortiq.

"Barselona" yana o‘yinchilarning transferlaridan rekord daromad oldi, ya’ni 80 million yevrodan oshdi. Maosh fondi 670 million yevrodan taxminan 500 million yevroga tushdi.

Hisobotda qayd etilishicha, "Kamp Nou"ni ta’mirlash tufayli "Olimpik" stadionida uy uchrashuvlarini o‘tkazish yillik oddiy daromadning 100 million yevrodan ortiq kamayishiga olib kelgan.

"Klub 2023/2024 yilgi mavsum uchun konsolidasiyalangan moliyaviy hisobotini minus 91 million yevro sof natija bilan yopadi", - deyiladi klub bayonotida.

O‘tgan mavsumda "Barselona" La Liga turnir jadvalida ikkinchi o‘rinni egalladi va Chempionlar ligasidan chorak finalda chiqib ketdi.