"Барселона"нинг ўтган мавсум якунидаги йўқотишлари 91 миллион еврони ташкил қилди.
Таъкидланганидек, клуб ҳомийлик шартномаларидан рекорд даромад олди - 210 миллион евродан ортиқ.
"Барселона" яна ўйинчиларнинг трансферларидан рекорд даромад олди, яъни 80 миллион евродан ошди. Маош фонди 670 миллион евродан тахминан 500 миллион еврога тушди.
Ҳисоботда қайд этилишича, "Камп Ноу"ни таъмирлаш туфайли "Олимпик" стадионида уй учрашувларини ўтказиш йиллик оддий даромаднинг 100 миллион евродан ортиқ камайишига олиб келган.
"Клуб 2023/2024 йилги мавсум учун консолидацияланган молиявий ҳисоботини минус 91 миллион евро соф натижа билан ёпади", - дейилади клуб баёнотида.
Ўтган мавсумда "Барселона" Ла Лига турнир жадвалида иккинчи ўринни эгаллади ва Чемпионлар лигасидан чорак финалда чиқиб кетди.
