«Barselona» rasmiy sayti jamoaning sobiq sardori Karles Puyolning debyutini yodga oldi - u ilk bor roppa-rosa 25 yil oldin, 1999 yilning 2 oktyabrida klubning kattalar jamoasida o‘ynagan. Bu Ispaniya chempionati doirasida «Valyadolid»ga qarshi o‘yin bo‘lib, «Barselona» Patrik Klyuyvert va Rivaldoning gollari evaziga 2:0 hisobida g‘alaba qozondi.
O‘sha paytdagi klub bosh murabbiyi Lui van Gal Puyolga ishongan va birinchi mavsumda u 37 ta o‘yinda maydonga tushgan va 2004 yilga kelib jamoa sardori bo‘lgan. To‘g‘ri, van Galning o‘zi bu vaqtga kelib klubda yo‘q edi. Puyol «Barsa»da 2014 yilgacha o‘ynadi va klub bilan yutish mumkin bo‘lgan hamma narsani yutdi.
