«Барселона» расмий сайти жамоанинг собиқ сардори Карлес Пуйолнинг дебютини ёдга олди - у илк бор роппа-роса 25 йил олдин, 1999 йилнинг 2 октябрида клубнинг катталар жамоасида ўйнаган. Бу Испания чемпионати доирасида «Вальядолид»га қарши ўйин бўлиб, «Барселона» Патрик Клюйверт ва Ривалдонинг голлари эвазига 2:0 ҳисобида ғалаба қозонди.

Ўша пайтдаги клуб бош мураббийи Луи ван Гал Пуйолга ишонган ва биринчи мавсумда у 37 та ўйинда майдонга тушган ва 2004 йилга келиб жамоа сардори бўлган. Тўғри, ван Галнинг ўзи бу вақтга келиб клубда йўқ эди. Пуйоль «Барса»да 2014 йилгача ўйнади ва клуб билан ютиш мумкин бўлган ҳамма нарсани ютди.