Seshanba oqshomida «Arsenal» Chempionlar ligasining 2-turida «PSJ» ustidan qozonilgan g‘alaba (2:0) bilan o‘z muxlislarini xursand qildi. London jamoasi himoyachisi Yurriyen Timber tanaffusda almashtirildi. Bu haqda «kanonirlar» bosh murabbiyi Mikel Arteta fikr bildirdi.
"Timber aql bovar qilmaydigan futbolchi. U qandaydir mushak muammosini his qildi. Biz tavakkal qilishni xohlamadik. U o‘tgan mavsum butun yilni o‘tkazib yubordi va endi maydonda ko‘p daqiqa o‘ynayapti. Biz ehtiyot bo‘lishimiz kerak", dedi Arteta jurnalistlarga.
