Polshalik darvozabon Voysex Shesni «Barselona»ga o‘tdi, u bu transferda uning hamyurti, 2022 yildan buyon «Barselona»da to‘p surayotgan hujumchi Robert Levandovski muhim rol o‘ynaganini aytdi.
«Men bunday sinovga tayyor emasman, deb o‘ylagandim, lekin oilam bilan maslahatlashib, bu imkoniyatni qo‘ldan boy bermaslikka qaror qildim. Robert Levandovskiga ham rahmat - men shu yerdaman va u buni xohlagani uchun uning ta’siri men uchun asosiy omil bo‘ldi. Uning so‘zi, shuningdek, oilaning ma’qullashi katta rol o‘ynadi», - dedi Shesni.
