Bugun Tojikiston poytaxti Dushanbe shahrida o‘tkazilayotgan dzyudo bo‘yicha yoshlar o‘rtasidagi jahon chempionati yakuniga yetadi.
Xabar berganimizdek, bugun jahon chempionatining aralash jamoaviy bellashuvlarida g‘olib va sovrindorlar aniqlanadi.
Qur’a natijasiga ko‘ra, O‘zbekiston terma jamoasi ilk davra uchrashuvida Xitoy dzyudochilariga qarshi bahs olib boradi.
Murabbiylar shtabi qaroriga ko‘ra terma jamoamiz shunday tarkibda bahslarga kirishadi: Despina Bochkova (-57 kg), Barchinoy Qodirova (-70 kg), Mohlaroyim To‘xtamisheva (+70 kg), Ravshan Mardonov (-73 kg), Shahzodxo‘ja Sharipov (-90 kg), Muhammadsodiq Sodiqov (+90 kg).
