Бугун Тожикистон пойтахти Душанбе шаҳрида ўтказилаётган дзюдо бўйича ёшлар ўртасидаги жаҳон чемпионати якунига етади.
Хабар берганимиздек, бугун жаҳон чемпионатининг аралаш жамоавий беллашувларида ғолиб ва совриндорлар аниқланади.
Қуръа натижасига кўра, Ўзбекистон терма жамоаси илк давра учрашувида Хитой дзюдочиларига қарши баҳс олиб боради.
Мураббийлар штаби қарорига кўра терма жамоамиз шундай таркибда баҳсларга киришади: Деспина Бочкова (-57 кг), Барчиной Қодирова (-70 кг), Моҳларойим Тўхтамишева (+70 кг), Равшан Мардонов (-73 кг), Шаҳзодхўжа Шарипов (-90 кг), Муҳаммадсодиқ Содиқов (+90 кг).
