Rossiya chempionatining 11-turi doirasida «Dinamo» o‘z maydonida SSKAni qabul qilib, imkoniyatni boy berdi.

Bahsning 17-daqiqasida Abbosbek Fayzullayev jarima maydoni tashqarisidan zarba berib, to‘pni darvoza burchagiga joyladi. Uchrashuvning 55-daqiqasida dinamochilar hisobni tenglashtirishdi. Xorxe Karraskal o‘zining sobiq jamoasi darvozasini ishg‘ol qildi.

O‘yin tugashiga bir daqiqa qolganida Tamerlan Musayev SSKA uchun g‘alaba to‘pini kiritishga muvaffaq bo‘ldi. Abbos esa 75-daqiqada zaxiraga olindi.

Rossiya chempionati, 11-tur
Dinamo – SSKA 1:2 (0:1, 1:1)
Gollar: 0:1 – 17 Fayzullayev, 1:1 – 55 Karraskal, 1:2 – 89 Musayev.
Dinamo – Lunev, Skopinsev (Marichal, 46), Fernandes, Balbuena, Dasa (Kutiskiy, 64), Laksalt, Artur (Fomin, 46), Bitello, Karraskal (Mauxub, 74), Ngamale, Tyukavin.
SSKA – Akinfeev, Moyzes, Villian, Diveev, Krugovoy (Gayich, 75), Kislyak (Bistrovich, 79), Xelven, Zdyelar, Fayzullayev (Musayev, 75), Guarirapa, Oblyakov (Pyanich, 75).
Ogohlantirishlar: Ngamale (62), Kislyak (73), Musayev (89).