Didye Desham Kilian Mbappe bilan bog‘liq vaziyat haqida fikr bildirdi.

25 yoshli forvard jarohati tufayli Fransiya terma jamoasiga chaqirilmaganiga qaramay, La Liganing 9-turidan o‘rin olgan “Vilyarreal”ga (2:0) qarshi o‘yinda “Real”ning asosiy tarkibida maydonga tushdi.

"Kilian bilan bog‘liq vaziyat o‘z-o‘zidan ma’lum. Buni Kilianni oqlash uchun emas, vaziyatga kengroq qarash uchun aytyapman.

Shuni esda tutish kerakki, klublar manfaatlari va terma jamoalar manfaatlari - va men faqat Fransiya terma jamoasi haqida gapirmayapman, chunki bu boshqa terma jamoalarga ham tegishli - qaysidir nuqtada muqarrar ravishda farqlanadi.

Men futbolchilar bilan munosabatlarni saqlab qolishga, ular bilan gaplashishga harakat qilaman. Ochig‘i, men uchun eng muhimi futbolchining manfaati. U o‘z klubiga qarshi chiqmasligini juda yaxshi bilaman. U terma jamoaga ham qarshi chiqishni istamaydi.

Lekin qachondir biz uni noxush holatga solmay, uning manfaatlarini birinchi o‘ringa qo‘yishimiz kerak bo‘ladi”, - dedi Fransiya terma jamoasi bosh murabbiyi.