Дидье Дешам Килиан Мбаппе билан боғлиқ вазият ҳақида фикр билдирди.

25 ёшли форвард жароҳати туфайли Франция терма жамоасига чақирилмаганига қарамай, Ла Лиганинг 9-туридан ўрин олган “Вильярреал”га (2:0) қарши ўйинда “Реал”нинг асосий таркибида майдонга тушди.

"Килиан билан боғлиқ вазият ўз-ўзидан маълум. Буни Килианни оқлаш учун эмас, вазиятга кенгроқ қараш учун айтяпман.

Шуни эсда тутиш керакки, клублар манфаатлари ва терма жамоалар манфаатлари - ва мен фақат Франция терма жамоаси ҳақида гапирмаяпман, чунки бу бошқа терма жамоаларга ҳам тегишли - қайсидир нуқтада муқаррар равишда фарқланади.

Мен футболчилар билан муносабатларни сақлаб қолишга, улар билан гаплашишга ҳаракат қиламан. Очиғи, мен учун энг муҳими футболчининг манфаати. У ўз клубига қарши чиқмаслигини жуда яхши биламан. У терма жамоага ҳам қарши чиқишни истамайди.

Лекин қачондир биз уни нохуш ҳолатга солмай, унинг манфаатларини биринчи ўринга қўйишимиз керак бўлади”, - деди Франция терма жамоаси бош мураббийи.