"Real Madrid" Trent Aleksandr-Arnold bilan bog‘lanish uchun qishni kutmoqda.
Madrid klubi angliyalik himoyachiga qiziqish bildirmoqda. Uning "Liverpul" bilan shartnomasi joriy mavsum oxirida yakuniga yetadi.
Marca xabariga ko‘ra, Trent masalasida "Real" "Bavariya" futbolchisi Alfonso Devis bilan bo‘lgani kabi strategiyaga amal qilmoqchi: hech qanday qoidani buzmasdan futbolchi bilan muzokara boshlash uchun yanvargacha kutish va taklif kiritish.
Qayd etilishicha, Aleksandr-Arnoldning o‘zi ham shartnomani yangi yilgacha uzaytirish borasida qaror qabul qilishni istamayapti. Bu masalada "Liverpul"ning natijalari muhim rol o‘ynaydi.
