"Реал Мадрид" Трент Александр-Арнольд билан боғланиш учун қишни кутмоқда.

Мадрид клуби англиялик ҳимоячига қизиқиш билдирмоқда. Унинг "Ливерпуль" билан шартномаси жорий мавсум охирида якунига етади.

Marca хабарига кўра, Трент масаласида "Реал" "Бавария" футболчиси Альфонсо Дэвис билан бўлгани каби стратегияга амал қилмоқчи: ҳеч қандай қоидани бузмасдан футболчи билан музокара бошлаш учун январгача кутиш ва таклиф киритиш.

Қайд этилишича, Александр-Арнольднинг ўзи ҳам шартномани янги йилгача узайтириш борасида қарор қабул қилишни истамаяпти. Бу масалада "Ливерпуль"нинг натижалари муҳим роль ўйнайди.